ناس يعبدوا بقر
وناس هنا ياكلوه
وناس طلعوا القمر
وناس لازالوا يألهوه
و ناس ينكروا وجودنا
وناس باليقين عبدوه
ناس يعبدوا عقلهم
وناس كمان يلغوه
ناس يكرهوا جهلهم
وناس كتير عشقوه
وناس يشكوا في الماضي
وناس بيقدسوه
و ناس ينكروه عادي
ويلعنو اللي جابوه
و ناس عارفة ومش عارفة
غير كل ما جهلوه
و ناس جاهلة ومتجاهلة
كل ما عرفوه
و ناس تكدب ناس
وناس كدبهم على ابوه
و ناس تصدق ناس
وناس صدقهم نسيوه
و ناس تقول احساس
حاولوا بقى تحسوه
و ناس تقول ترباس
فماتوا ولا فتحوه
وناس مش لاقية معنى
وناس من كتر المعاني تتوه
وناس يقولوا الشقا
وناس الشقا يبعوه
وناس يقولوا الوجع
وناس الوجع وجعوه
و ناس يقولوا الأمل
هو العمل ياهووو ..
و ناس يقولوا الأمل
دا كذبة اللي عاشوه
و ناس كتير ضد ناس مع ناس
زحمة يا عمي.. والزحام وناس
الدنيا حسبة برما
فيها الجميع محتاس
ليست هناك تعليقات:
إرسال تعليق